西貢清水灣布袋澳7號B舖，27195730
推介 : 椒鹽瀨尿蝦 ，避風塘炒蟹
首先要多謝呀 娟兒，多謝佢介紹黎呢間食海鮮，如果唔係，都唔會山長水遠黎到呢一度，再多謝佢整蠱左我成晚啦，令大家歡樂之餘，我又唔敢串返佢，真係無奈....仲要多謝一班型仔型女的CRE同事一齊出黎癲番一晚，有野食當然唔少得我啦 =0=
今次大舉進攻海鮮島，為左監察周邊環境，兩時半已經到達，四人大戰四方城 !!
到六點半左右，天黑&人到齊就開始入席了。個套餐真係幾抵，每人大概都只係兩百元就可以落樓，兩百蚊可以食到海鮮，試問可以去邊搵丫 !! 不過抵還抵，俾我呢個麻煩友試試先講吧 !!
清蒸海蝦，
呢碟係上得最快既一碟，點完菜坐唔夠 5分鐘就上左黎，蝦都幾清甜，我食左好多呢 =0=
蜆肉豆腐湯
呢個好重胡椒味，相信應該唔係幾新鮮先會咁做，所以呢碟應該係最差既一道菜，不過湯都可以~
豉椒炒蟶子
哈，見到咁大舊蟶子肉，真係幾少見，少少辣，肉又鮮甜而且多，幾正 !
椒鹽瀨尿蝦
呢樣食令我最瘋狂既一道菜，未黎到我己經[睥]住佢，奈何我隻手仲拎緊蝦，冇咩時間理佢。當隻手一拎住隻瀨尿蝦，已經冇儀態可言了，5分鐘都唔使，就清理左個一件了，相信都唔使講好唔好味啦，呢個應該係最最推介既一個。
清蒸元貝
因為我仲掛住食瀨尿蝦，隻[手] 由頭到尾都冇停過，根本就唔想用筷子食，唯有[手]拎元貝的野人野法吧。不過呢個唔係太熟，未能食到完整的一個元貝，美中不足吧，但個汁真係非常出色。
海鮮炒飯
隻手好忙，唔得閒理碟飯，凍左我先食少少....
貴妃雞
隻手都係忙緊，最後先食黎填肚 XD
避風塘炒蟹
隻手好忙，忙緊食蟹囉 !!!!
我都食左幾多下 KAKA，因為蟹身非常多[膏]
完全見到個蛋黃 -0- 誇張到呢......
食到唔停得手，好味程度比瀨尿蝦贏左個馬鼻 !
清蒸石斑
a_a" 我淨係食左魚腩咋，都唔知點解，冇人食既，最好食既部份竟然冇人理，又嫩又滑，一 d 都唔韌 =0= 仲好正添
飯後糖水
我只係食左涼粉，d 糖水唔太岩口味 =0=
是日消費 : 約 200/位
