莎巴@灣仔

莎巴馬來西亞餐廳
灣仔謝斐道98-102號仁文大廈地下4及5號舖(近盧押道)，21436626
推介 : 咖哩牛腩

2008 除夕的午餐黎左openrice--灣仔區的第三位 ~> 莎巴
呢間係一間馬來西亞餐廳黎的，黎之前記得book位吧!

呢度係值得一讚既係d待應都幾好招呼，問多兩句都冇覺得麻煩~

d 野食有分幾多度辣，唔食得辣既朋友都有好多選擇的。

咖哩牛腩飯

老細，唔該要個ｆ丫。哈哈，呢個幾似茶餐廳的飯餐。其實呢個係最保險但又係最考廚師功夫既一個咖哩黎的。不過佢真係可以做到牛腩淋，而咖哩又唔會太濃，恰到好處，抵讚！

油鬆餅

暖暖地，少少脆加多多的煙韌，點埋ｄ咖哩汁就更加完美～呢個正過重慶的多多聲啦～！


咖哩羊肉

有一半膻味，我可以接受到，但唔係人人都可以的，所以怕膻就唔好點吧。呢個比起咖哩牛腩會辣ｄｄ，但都係幾入味，幾好食的！

左: 咖哩羊肉 ,右: 咖哩牛腩

是日消費 : 約 55/位

Outback@ 荃灣

Outback Steakhouse
荃灣青山公路398號愉景新城2樓3-5號舖，29400682

2008 除夕夜，用了這一餐劃上了一個完美的句號。

初初話 book 唔到位的，但我 walk in 就有位了。點了三樣野食，初初覺得唔太夠嫁，但聽聞會好heavy ，所以都係唔好點咁多了。

d 野黎齊哂之後，全部都係超大份，完全滿足哂我地三個既食肉獸 -0- 不過佢d野食大部分都幾鹹，唔知係唔係咁，一入黎坐低就比左好大杯水我地，不過值得一提既係，佢d肉鹹之外，就會比左一d 好juicy 既蔬菜我地，可能係用黎中和掛‧‧‧咁其實可以唔使咁鹹姐...

d 待應真係幾好，我地坐左咁耐都唔會忙住執野趕我地走，抵讚！

食完真係會好飽，我諗女仔都好難食到一個set了，同埋真係會好肉feel 好想食個青蘋果 ....


黑糖麵包

麵包幾好食，幾軟，幾暖，最底有少少似芝麻的白色的糖，唔太甜，加埋少少cream , 真係一個幾特別的麵包仔~

但奇怪的是，有cream 但沒有牛油刀既 =.=?


燒豬肋骨

唔好以為好似意粉屋比少少你，但我覺得已經係一隻成年既豬既一邊肋骨，好恐怖呢 ? 佢隻碟已經有半張四人檯了。

燒就燒得真係幾入味，但個燒烤醬真係鹹左少少。另外個白色醬真係唔知要黎點咩...有少少薯茸的feel，就連薯條都長過人‧‧‧

公司沙津。

哈哈，比 fd 話我，公司沙津配乜鬼凱撒沙津醬呀！咁又係啵 -0- 呢碟野我諗只係得蕃茄好食，因為係最juicy的~ 沙津並不是最愛....


燒雞搥

其實我覺得呢樣菜係要上圖三樣野加埋先入口係最好食的。不過個感覺得係幾特別，因為炸雞真係好難會配到西芹，有點九唔搭八，但我就覺得少左是但一樣都唔係太好食，因為佢d 雞搥有d鹹 ，加埋個醬又加少少鹹，但有西芹就會好多水份加少少纖維，幾好的配搭。



西冷牛扒

佢個西冷扒，真係冇帶尺，唔係真係見到有幾大。
無論係厚度，長度，闊度，體積，我諗會係扒王之王一份的 2.5 倍。如果叫我一人食呢個，我諗我已經唔係食其他野了，完全岩哂挑戰大胃王的稱號 !

個牛扒真係冇得彈，熟得黎又唔會好乾，又會有大量肉汁留係度，重要既係，佢完全冇落任何調味，食到真真正正的牛。

是日消費 : 約190/位

Burger King@灣仔

Burger King
灣仔軒尼斯道314-324號地庫 ，25750031

其實我一向都唔太喜歡食呢ｄ類似麥當勞既物體。其一，不健康。其二，冇特別，只不過係麵包加牛肉。其三，唔好食。其四，價錢同正常餐廳冇分別。

但今日破例去左食一次唯一一間想食既麥當勞式快餐。點解想食呢間？因為我覺得都幾多人話好食，就係咁簡單。

一落到去，第一個感覺係幾乾淨，同幾靚。
之後叫左個３號餐，感覺上係幾熱囉。其他就覺得冇人地講得咁好食，有時講野就唔使咁誇張既。

總括來說，我討厭ｊｕｎｋｆｏｏｄ，心底裡由頭到尾都冇變過，呢間已經比我用左有色眼鏡睇上了，以為可以令我轉變，點知加深我討厭了它。

呢個唔用幾好食來評分，只可以用飽肚量來評分，我諗都唔夠一半分，因為我諗２個先等如麥記既一個。價錢黎講，三十幾蚊食呢ｄ野，我真係覺得廿蚊已經比多佢。


洋蔥圈
一黎到就真係幾好食，令我忍唔住食左幾粒先影番張相。不過真係幾熱、氣！


細　Whopper
一黎梗係食最傳統的啦

食完可以用４個字形容
不外如是　！

是日消費 : 35/位

盛八@旺角

盛八日式燒肉店
旺角山東街38號38廣場3樓，23823338
銅鑼灣怡和街2至6號英光大廈3樓，31060183
尖沙咀亞士厘道23-25號雅士利中心3樓，23668866

平安夜的晚上，最期待的晚餐。

呢間真係諗左好耐，終於去到２４號就出擊了。因為太驚冇位，所以ｂｏｏｋ左之後都ｗａｌｋｉｎ入黎。至於究竟食咩？我諗只係睇相都估到９成吧。冇錯了，就係和牛！

黎之前做左好多資料搜集，假期前冇計啦，一定比人當真牛咁生劏吧。價錢一定唔平了，至於幾多我又唔太想透露，不過係物有所值的。

份量就一般，我總係覺得我一個人可以食２個二人餐的！

- 北海道松葉蟹腳　　　（感覺一般）
- 半殼香草牛油帶子　　（呢個掂！好香好甜）
- A5嚴選霜降和牛　　　（唔使講啦，一流！）
- 鹽燒牛胸腹　　　　　（似普通牛肉，薄薄的）
- 鹽蔥牛舌　　　　　　（燒左都好爽，點了醬仲正）
- 鹿兒島生薑黑豚　　　（燒到好似韓燒，脆脆的）
- 青胡椒雞腿肉　　　　（外脆內軟，幾得意的）

未食之前影一影先，我坐低左冇耐就有盤咁既野，之後個待應就好快咁講點燒點燒。我都記得一至兩樣，之後就唔記得左。哈哈！再問過第二個待應囉，佢地都幾ｎｉｃｅ，我咁死蠢都教左幾次，服務真係一流。

不過份量真係少左ｄ，我一個人都可以ｋｏ左佢。

和牛好好好淋，好有牛肉既甜味，加埋有少少燒味～真係諗起都想食！
Ａ５萬歲！
長腳蟹就有少少〔鞋〕，可能我唔識燒掛，感覺上長腳蟹係可以生食的．．．
牛油帶子好大隻a_a，好鮮甜，不過牛油煮左蓋左佢大部份既甜味，唔加牛油應該係會好食Ｄ既～

甜蕃薯(蒜蓉牛油錫紙燒)

食剩兩舊先影的甜蕃薯，就連我唔食蕃薯的都食左２大舊。
因為真係好甜，同埋可以連皮食，因為佢ｄ皮仲薄過最薄既紙。好甜，好好味！


食哂！一樣都冇得剩！

是日消費 : 約320/位

La Bons@灣仔

La Bons Brasserie
灣仔皇后大道東222號GardenEast 2樓全層(轉了新址)，25271768
推介 : 心太軟 !

哈哈~今天跟一班闊太去食午餐，成班人都好似去試菜咁，食完個個都讚very good，我當然冇介紹錯啦，呢間應該係全灣仔最好食的西餐，全香港最好食的心太軟！

對拍拖既情侶黎講，夜晚既晚餐絕對係一流，好好feel 的，唔信你可以黎食個燭光晚餐，而價錢又唔係太貴，最緊要係滿足到女仕們食甜品的心態麻，不過，缺點就係，食完就要努力做運動了。

雜扒

朋友叫的，冇食，唔知道 -0-

肉眼扒

一般了，我想都有8成熟，只可以說合格，肉不是太新鮮，薄薄的一片。

豬扒

冇食，唔知道 =0=

蘋果盅。

乾乾地的，入面似梨多過蘋果，唔抵食。

心太軟。

呢個係全香港最好食的心太軟，d朱古力應該可以鋪滿一隻碟，係勁多囉，上面軟，入面就流沙熱的朱古力，下面就脆的餅底，真係只係食呢個，唔食其他野都得，食完之後真係好滿足的樣子 a_a

是日消費 : 92 (午餐)

EXP@九龍塘

EXP
九龍塘達之路80號又一城UG層23號舖，22658298

九龍塘又一城，諗唔到食咩好，板長又咁多人，LITTLE ITALY 又唔夠人食。之後就去左ＥＸＰ食少少野。
呢間野真係幾串，要Ｄ客人排隊，我見到咁長都冇排，行左一陣街等冇咩人就入左去了。

呢間外型幾似美心快餐=.=
但Ｄ食物就完全唔似，仲幾好食添。

呢間係我少數評價之中既物超所值的西式餐廳。攪笑既係，我點菜個時，個特應將我點既野食號碼寫左係我張字度，之後就走左去。我諗，佢點記得哂呀，如果有十個人，咁佢都幾大件事嫁啵。
之後黎到，就覺得佢個賣相好ＯＫ，似比我睇多過比我食。哈哈埋單又唔係貴，真係幾掂，幾抵，值得推介的！

檯上的長頸鹿

咁大個仔都係第一次咁食
有青、紅蘋果+鴨胸+ＸＯ醬
雖然聽個名好似怪怪地咁，但咁既配搭對我黎講真係幾新鮮。甜、酸、辣、鹹都齊哂，味覺大挑戰！

呢個係淋中帶爽的
淋係指佢既肉汁仲係入面，冇燒乾哂
爽就係牛舌中的味道了

ＥＲ．．．
呢個叫安全飯，食左冇死，一定有水準
冇咩特別，係塊魚柳大Ｄ囉
其他冇咩分別．．．

前 : 西柚+芒果
後 : 橙汁+蘋果+楊桃

果汁來的
個名好好聽的，不過唔記得左....

是日消費 : 約 150/位

松屋＠尖沙咀

松屋日本料理
尖沙咀柯士甸路14-18C號僑豐大廈地下，27362302
推介 : 老版整既三文魚 !

如果想好玩的話，一定要黎玩！

點解咁講呢，因為個老闆十分之玩得
我去之前做足功課，就係要搵老闆
我第一次入去，真係唔知邊位係老闆，同是但一個待應講：你老細呢？叫你老細黎丫咁
就知道邊個係老闆了

當你搵到老闆，就好好玩 a_a"

講番食物先，呢度係放題的，１８０蚊晚餐
都算幾抵啵，魚生就麻麻地，燒物就一流
燒雞腎，雞軟骨，牛脷等，又入味，又唔乾，又抵食！
玩完個老細，我都俾８０分了，出黎消費，最緊要係開心姐～

不過裝潢麻麻地，冇所謂吧～

燒元貝
絕對掂～！
百幾蚊就有元貝食，不過一定要搵老細～
佢仲自己燒三文魚，脆魚皮＆魚湯，
不過太肚餓，唔記得影
個幾樣野都好好好掂～


第一轉的食物。
因為咩都未試過，點少少試下
先除左三文魚之外，其他都好好味。
(圖中 :軟殼蟹沙津, 三文魚 + 甜蝦 , 燒羊脾 , 雞串 )

燒釀雞翼。

食落有少少〔媽咪麵〕味

有少少味精的雞翼，但都幾ｏｋ的

甜蝦。

賣飛佛！

又是甜蝦，吞拿魚，三文魚。

吞拿魚第一次咬唔入=.=

可能有根掛．．．

甜蝦甜蝦，有三分之二的尾指大 a_a

雞軟骨 + 粟米

雞軟骨～掂！

粟米～唔掂！

燒羊脾～

我食個時有血＆好蘇味

食左一半就拜拜，可能係太大舊吧

雞腎 + 牛脷

２件都好ｏｋ呀，

牛脷都燒到乾乾地

雞腎粒粒都咁爽～

是日消費 : 152/位 (宵夜自助餐)

錦@九龍灣

錦日本料理
九龍灣牛頭角道77號淘大商場2期地下G208-209店，27964428

錦。初初入去，看個格局好似幾貴咁，但其實幾似快餐店的價錢，日本風味的質素。欣賞既地方，佢地真係真材實料，價錢好合理，好少地方做到了。另外，老闆係一位日本人呢。不足既地方，位子太狹窄，肥ｄ都坐唔落，冇空間感，分分鐘講大聲ｄ都比人聽到。最唔滿意係食食下有隻手係我頭上傳菜，一抬頭就聞到你腋下，算點？可以食番一餐安樂飯嗎？

所以，如果想食日本快餐，完全推介！

蛋包牛肉蛋，甜甜的牛肉，小小的兩片賣相可以，溫度是熱騰騰的，
有ｄ懷疑可以點切到咁令又熱．．．普通的蛋就做到夠溫，未食都比了６０分了。

炸雞扒。
份量少少的，岩我ｄ細食既人a_a"
沒有什麼可講，只不過將雞扒落油炸之麻
小心燙口！


叉燒拉麵
好掛住隻玉子蛋！
自從上一回在橫ｘ拉麵冇得食之後，我仲念念不忘佢隻蛋，今日終於可以得償所願。
不過，好可惜佢隻蛋熟多左一分鐘．．．
冇咩油，隻蛋唔太令，又失望了。
驚喜的是有芝麻＆薑的香，又一種風味。

魚生飯。本人對魚生飯冇咩好感，食剩一半就放了一邊。

不過，可以一提的，

飯，是日本米，只有日本米先係肥肥短短的

只係飯，我想都不便宜了。

牛肉拉麵 + 餃子牛肉，普通肥牛吧不過拉麵做得幾好，

味道只是濃了些比起味ｘ拉麵好得多．．．

是日消費 : 約 110/位

橫鋼＠佐敦

橫鋼
油麻地彌敦道466-472號地下，27830784
推介 : 玉子蛋豬肉拉麵

呢間我係覺得比ｄｏｍｏｎ好食既拉麵ｄｏｍｏｎ重名氣，橫鋼重實力
但，入之前記得一定要有耐性，同埋打定底分分鐘等個半鐘的！

玉子蛋豬肉拉麵個蛋十分之好味，加埋ｄ豬肉粒，我相信係最好食的一個

九洲拉麵有叉燒，粟米，海草ｘＤ

香蔥拉麵　只有蔥，同蔥　－０－

但係加埋拉麵又真係幾特別，湯我都飲左好多呢

我去食個時有少少插曲想要香蔥拉麵加隻蛋，

佢竟然話冇我就問佢：點解有玉子蛋拉麵又冇得加蛋

佢話：因為冇，唔夠貨

我覺得佢同我講野個時好冇禮貌囉

即時影響我心情食野

之後佢地有同事叫我轉轉檯，我都冇理佢

第二次食就有少少火，叫我點再食啵

是日消費 : 約 80/位

愛爾蘭瘋薯@銅鑼灣

愛爾蘭瘋薯
銅鑼灣謝斐道518號Shop A，21510889


個名幾得意 a_a不過呢間係台資公司，除左薯條同少量啤酒之外，完全睇唔出係一間酒吧 =.=(沒設有座位)

好食指數：★★★☆☆☆

經過銅鑼灣, 記得愛爾蘭瘋薯呢個名
就冒名去試下貴價薯條吧
去到見到咁多人.....有種好想走既感覺....(又焗又熱)
姑且試試好評既酸忌廉吧..
等左真係幾耐嫁, 都有 20分鐘
拎左上手之後真係幾 [ 辣手],
佢 d 酸忌廉 冇咩酸味既 , 薯條冇落鹽的 , 薯味好強
不過...我食緊個時諗緊麥當勞既脆薯皇....
我覺得廿幾蚊個餐仲好食過佢d 薯條囉
呢個都算係正既薯條既...不過同個價錢唔成正比
個人認為只值 $ 15
but it costs 25 dollars !

是日消費 : 25

金寶+甜品屋@九龍城

金寶泰國菜館
九龍城衙前塱道15號地下，27167318
推介 : 炸蝦球

終於去左[金寶]泰國菜館食左晚餐，唔使我講，只係睇到都流口水。點左[無骨白雲鳳爪]，[炸蝦球](正)，[豉汁炒蜆]，[椰皇焗飯](正)，[三色冰]及[珍多冰]，盛惠$250。

由於太飽，行左一陣先去食糖水，入左甜品屋，初初以為好多野食，點知只係有我最唔鐘意食個幾樣，最後是但點左個 [脆皮燉蛋] 及[芒果豆腐花] 個燉奶又幾 ok 啵～～不過冇我最鐘意食既糖水（黑珍珠），整體只係一般。

金寶好食指數：★★★★★☆甜品屋好食指數：★★★☆☆☆

無骨白雲鳳爪(辣 !)

醬爆蝦球 (正+小心) !

豉汁炒蜆 (辣)

椰皇焗海鮮飯

脆皮燉蛋

芒果豆腐花

是日消費 : 約200/人