灣仔軒尼斯道314-324號地庫 ，25750031
其實我一向都唔太喜歡食呢ｄ類似麥當勞既物體。其一，不健康。其二，冇特別，只不過係麵包加牛肉。其三，唔好食。其四，價錢同正常餐廳冇分別。
但今日破例去左食一次唯一一間想食既麥當勞式快餐。點解想食呢間？因為我覺得都幾多人話好食，就係咁簡單。
一落到去，第一個感覺係幾乾淨，同幾靚。
之後叫左個３號餐，感覺上係幾熱囉。其他就覺得冇人地講得咁好食，有時講野就唔使咁誇張既。
總括來說，我討厭ｊｕｎｋｆｏｏｄ，心底裡由頭到尾都冇變過，呢間已經比我用左有色眼鏡睇上了，以為可以令我轉變，點知加深我討厭了它。
呢個唔用幾好食來評分，只可以用飽肚量來評分，我諗都唔夠一半分，因為我諗２個先等如麥記既一個。價錢黎講，三十幾蚊食呢ｄ野，我真係覺得廿蚊已經比多佢。
洋蔥圈
一黎到就真係幾好食，令我忍唔住食左幾粒先影番張相。不過真係幾熱、氣！
細 Whopper
一黎梗係食最傳統的啦
食完可以用４個字形容
不外如是 ！
是日消費 : 35/位
建議要食好既burger, 就唔好去呢d連鎖式既鋪頭,
回覆刪除跟本唔會做得好食!
港式漢堡推介:紅磡既時新, 對比連鎖o個d win成條街, 價錢仲好抵!
外國漢堡推介:銅鑼灣加路連山道既burgeroom,
呢間burgeroom, 自問暫時未預到有一間及得上佢,
價錢雖然貴d, 但質素同份量無得比!特別推介double decker!
溫馨提示:呢間d burger, 我估你細食既,半個都夠!
係丫,你講得好岩,
回覆刪除其實我好唔鐘意同唔想食burger+薯條類既食物
我有試過時新丫,一共食左3次
第一次食:雙層芝士漢堡
第二次食:漢堡+雞比
第三次食:(返食)雙層芝士漢堡
佢除左呢個雙層芝士之外, 真係冇其他比較好食d
可能因為我對呢種食物真係有偏見吧
至於burgeroom我就未去過,但我知道係邊既
原因同上面一樣啦,我係極少食呢種,通常食晚餐都band了呢一類。
thz 你意見 =0=
lok兄, 食MONSTER BURGER 啦~ HAHA
回覆刪除都唔太聽書既,你呢位人兄, 明明我唔太食burger既
回覆刪除