California Pizza Kitchen @ 尖沙咀

California Pizza Kitchen
尖沙咀廣東道17號海港城海運大廈 LCX 三樓 OT309R 號舖，31020375
旺角登打士街56號家樂坊1樓A舖，23740032
九龍灣宏照道38號MegaBox 11樓10號舖，34212351
銅鑼灣勿地臣街1號時代廣場食通天13樓，31029132

近排有少少忙，加上喉嚨勁痛，所以冇去食野，當然就執唔到相出黎吧。咁就要搵下存貨先，費事冇功課交吧，哈哈~

講番呢間先，首先我覺得服務態度都可以既，因為我入去個時都串左個待應兩句，佢都好好禮貌咁回答我，呢個係抵讚既（分明玩人，我講完都有ｄ唔好意思～）

總括食物先，我又唔覺得特別過人，ｐｉｚｚａ又唔係我想像中咁特別，咁令咁好食，可能我對包同意粉有偏見吧。不過，我反而覺得個意粉係比起個ｐｉｚｚａ香同埋入味，好食好多．．就係呢個原因先可以上黎呢度囉！

哈，佢真係冇趕我地走。

Miland

厚身小小既 pizza , 各位菇類加埋一齊整個 pizza。呢個真係難比評語....冇特別冇驚喜係最接近既評語。比多個動詞 : 唔會再叫。

Chicken Tequila Fettuccine

我幾欣賞佢有幾漓檸檬，意粉有個菠菜汁，都係一個幾入味既配搭，我比較prefer 意粉多 d。睇得出個功夫唔會比個pizza 少。

小食拼盤

呢個個名太長喇。加上我食左少少咋個日。
有件好似係用豆配合個烤餅。一見到我都有d 抗拒，但試下，又ｏｋ啵‧‧雖然唔算好食，但唔難食先　＝０＝

The Works

呢個比之前個ｐｉｚｚａ okｄｄ．．．
可能只係因為佢係薄ｄ同脆ｄ既關係吧。腸仔同青椒既平價組合，怪怪地咁‧‧

煙三文魚白汁意粉

呢個意粉只係個三文魚好食，香，滑～
意粉唔好提‧‧．

是日消費 : 約 150/位

Fat Angelo's @ 尖沙咀

Fat Angelo's
尖沙咀棉登徑8號豪峰軒地庫B舖，27304788

首先多謝 dick , gary , c wing, steve 咁多位，令到我笑多過講野既一晚，名符其實既笑到肚都痛。畢竟好耐都冇見過，係咁吹水都由七點半吹到十一點半。

就係因為冇waiter 吹我地埋單同埋特登黎扮執野趕我地走，我先會將呢間餐廳放係呢度。講真，你話呢度d 野食好唔好食，我就覺得一般，抵唔抵食，又一般，有冇野好食，又有少少咁囉。不過，服務都幾好，唔會係我地講緊野個時執野，又可以比我地換呢樣換個樣，又要玩埋人地，拎人電話... 救命，幾舊水想玩死人咩。但係，真係好好笑容，真係要讚下采妮小姐，哈哈！

個環境都幾好，雖然音樂嘈左ｄ，可能個侍應見到我地嘈，較大左個音樂，哈哈！仲有個間餐廳幾外國酒吧ｆｅｅｌ，冇咩燈光，所以ｄ相靠我部ｄｃ仔係唔掂的。

呢一晚真係幾開心既，玩到十一點幾都冇人摧我地走，算係咁啦，缺點係，出餐真係好鬼慢！

ｐ．ｓ．我地玩到人地唱生日歌都跟住唱，跌膊喇，跌膊透ｂｒａ丫！


麵包。（送的）

我就唔太鐘意麵包既，有ｂｉａｓ．．．
你問我好唔好味，我會話硬掘掘，冇咩味囉．．
難食！就算搽左牛油都係咁，食左２啖就放棄了。


沙津。（送的）

送既野真係麻麻地，呢隻沙津又真係麻麻地．．．．
又係食２啖放低左。



意式燒春雞。

一隻冇味既雞，鞋烚烚，薯角又軟淋淋，肥佬丫！

煙三文魚扁意粉

呢個好食好多，比較正常囉。佢既白汁煮得扁意粉幾好，又唔太淋，算係合格先。

錦繡薄餅。

辣肉腸+酸瓜的pizza，唔知點解，ｄ野食黎到都凍凍地咁．．包括呢個在內．．呢個底做得麻麻地，意式黎講都仲ｏｋ既．．．冇特別，冇驚喜的。

肉丸。

比steve話係山竹牛肉，仲問個侍應拎喼汁，真係失禮死人丫！
呢個個感覺有一粒粒咁囉，係麻麻地，但又唔係好似佢地咁講咁難食既。我相信係香港人食唔慣咋麻～

海鮮燴飯。

佢話有個焗薯，去左邊丫？
不過，呢個都幾好食，又唔會太滯，飯又幾香口，早知嗌呢個啦一早．．．

是日消費 : 150/位

義順 @ 油麻地

港澳義順牛奶公司
佐敦庇利金街63號，27302799
推介 : 雙皮奶

經過推出左發記之後，我相信到而家為止，糖水店三甲，應該係 義順，發記，甜蜜蜜。
唔係未食過其他，但係真係唔多掂。松記，我食過４次，但我每一次都有ｄ唔滿意，其中有一次食完仲肚痛。滿記，食過１－２次，印象冇咁深刻。澳洲牛奶公司，對唔住，第一次入去都已經黑單左！而家最流行個個棉花冰，通街都係，但係都未有一間可以滿足到我，有時有要求真係麻鬼煩，哈哈

雙皮奶

見到呢間既主打，我就一定好ｃｒａｚｙ了。始祖呢個名一定唔係浪得虛名的！
雖然我唔太了解雙皮奶點整，但只係知道真係好滑，一啖．就好似岩岩打邊爐既豆腐咁滑，但係凍既 a_a"，不過仲滑過豆腐，直落喉嚨，爽ｙｙ～

朱古力雙皮奶

同上面既感覺係一樣，出奇地，係ｆｅｅｌ唔到朱古力粉．．．．反而有ｄ奇怪．．．冇粉又有朱古力味既．．．但明明又係我飲開個ｄ朱古力。咁應該就係熱水沖完再整了。不過，真係要讚下佢，幾強！

是日消費 : 20/位

曲奇四重奏@九龍城

曲奇四重奏
九龍城福佬村道58號鴻福樓地下，23822817
推介 : 蝴蝶酥

買到喇！買到喇！我想食好耐既曲奇今日終於買左喇。雖然我唔太好曲奇，但真係好好味哦．．
不過，間店少左人好多，唔通熱潮已過？

蝴蝶酥　
呢個真係好鬆化丫，好似溶左咁。咁誇張？你如果試左一定會認同我咁講的。脆+鬆，一流 !



高纖五穀籽曲奇 - 好似有幾粒唔同米加埋入面咁，個感覺未食過，好攪笑。
黑白芝麻曲奇 - 芝麻食得多，黑白都係第一次，好香濃的配搭
朱古力曲奇 - 曲奇加朱古力粉，就係咁多 =0=
川椒榛子曲奇 - 有黑椒味既曲奇，怪怪地，但我buy佢夠創新，夠大膽。
蛋香曲奇 - 我至愛，好似食緊蛋卷咁，唔似曲奇a_a"
牛油酥條 - 普通正常版。

是日消費 : 138盒+38蝴蝶酥

洋一@九龍城

洋一居食屋
九龍城南角道5號地下，27188282
推介 : 海鮮石頭鍋飯 ，燒鯖魚

2009/02/14
今次食平平地先 XD
呢度原來個價錢同一般日式餐廳差唔多價錢
真係要食過先知 a_a

個套餐見到有石頭鍋飯，我就第一時間叫了，因為呢樣係[賣飛佛]，冇得唔點！
之後加多個燒餅就滿足了。

係呢間餐廳，真係幾難扣到佢分，我諗就係冇咩個人空間掛，因為太迫，太嘈，意外就係有日本電視節目，好耐冇睇過了，攪到我好唔專心食飯。


刺身拼盤

三文魚厚切。好鮮甜
甜蝦，爽口加好滑
劍魚腩，冇腥味

全部都好甜，冇雪味，正~

鹽燒牛舌。

牛舌幾淋，入口鬆軟。不過胡椒味太重了，食完有口乾既感覺，加上胡椒蓋過哂D牛肉味，只係呢點都扣左好多分，如果完全唔落，應該會好食好多。

所以，呢碟只可以係合格。

海鮮石頭鍋飯

我最喜愛的食品之一。
其實一埋到黎，我見到有元貝x4 蝦x6 ，我就覺得值了，因為多數呢d只係會比最多蝦毛幾隻，而呢個就有元貝，加左分-0-
蝦好彈牙，不過，小姐你未挑腸丫，攪到我成口沙 \. / 又扣了少少分。 不過整體都好ok，足料，睇得出有誠意。

碎牛肉燒餅

呢個我就覺得一般姐，一挾落去就有少少散，似蛋包肉餅 a_a (講笑) 見到個一大堆沙津醬就有少少怕了 -0-

甜品

唔需要多講，一睇就知咩味啦。
但佢地整得又幾好食，幾似個d味，我都未食過拎呢d 飲品黎整布甸，創新又加了一分 =0=

第二次探訪

牛肉石鍋烏冬

牛肉有d韌，唔算好食，烏冬又唔係咁好食，又唔韌，又淋，勸各位唔好掂 =.=

第二次探訪

天婦羅

嘩，呢間野有進步喎。d 味道又唔太濃，蝦又彈牙，炸又唔會太油，真係ok 啵 !

第二次探訪

三文魚他他。
將三文魚碎加沙洋醬搽上去法式多士。夠創新，我buy你 !
雖然唔係特別出色好食，但都高過合格好多，70分都冇走雞了 =0=

第二次探訪

三文魚沙津。
呢個都可以既，不過配搭有少少奇怪，紫菜加沙津加芽菜 =.=....雖然味道可以接受，但最多都只有合格....

第二次探訪

燒鯖魚
呢個對於魚怪既我，點可以唔點呢？呢個燒得真係岩岩好，外脆內熱內軟，加上配料，酸酸地，真係食到我停唔到，我一個人絕對清到！

是日消費 : 約 145/位

發記 @ 深井

發記甜品
深井青山公路深井村92-93號地下，24969163
推介 : 黑珍珠楊枝甘露

如果上聯一日之計在於晨的話，下聯一定係一晚之樂在甜品。食甜品真係我最開心既時刻黎，帶比我既歡樂多過一日所食既東東 =0=

今次真係想介紹呢一間，不過唔介紹，一定大把人都聽過，咁介紹黎做咩....我都唔知丫，總知好食吧 !

黑珍珠楊枝甘露

呢個真係我既至愛，真係黎多幾碗都仲得 ! 佢呢間野既芒果真係特別大舊，唔似松x咁鬼鬼祟祟咁囉，仲要都幾甜，清涼，正呀，kaka !

楊枝甘露

冇我個個咁好食 xD ! 爭左D野又真係爭左D =0=

芒果糯米滋

好大舊芒果，不過....個皮同個芒果食落個感覺好似分開左咁，完全係食得出兩樣野。加上個皮唔薄，都係長洲允升好食D !

大合照

影完遺照就開餐了 !

是日消費 : 25/位

甜蜜蜜@尖沙咀

甜蜜蜜甜品專門店
尖沙咀厚福街5-6號地下2號舖，23116078
推介 : 雪糕西瓜盅

2009/06/06
食完熱辣辣既野，fd 想食甜品，就提議左一間之前經過想入去食既甜品屋。

基本上，尖沙咀食甜品應該唔會多過 3 間。岩岩經過個邊又開多左一間叫糖仁街，即係有 4 間了。下次可以去試下先 a_a"

呢間係出名心太軟，所以我極力推介呢間既名菜。但係我冇點到，係因為我覺得呢間比唔起 la bons，所以我揀左第二樣。


雪糕西瓜盅。

叫之前覺得幾震撼，黎左之後覺得仲震撼 !
我完全未食過呢一類既甜品。因為個size 太大了，雖然呢個製法唔太複雜，但係個量真係好大，黎左一陣，已經隔離左右總共六張檯討論緊我個西瓜盅，真係食落都有 d 唔好意思 a_a"

我一個絕對清到半個黑美人啦，食完真係幾消暑丫 a_a"


雪糕心太軟。

據聞係呢間既鎮店之寶。但我試左少少之後，無論個朱古力流量，焗既溫度，底餅硬度，外表既脆度，就連 shape都唔及 la bons，仲要個相差都幾遠，我諗真係要加把勁了。


朱古力流量 ★★☆☆☆
焗既溫度 ★★★☆☆
底餅硬度 ★☆☆☆☆
外表既脆度 ★★★☆☆
shape ★★☆☆☆ (冇左個形)


什果刨冰。 (第二次探訪)

個日因為太熱既關係，同埋見到隔離糖x街係咁賣刨冰，就叫左個黎試。上面係刨冰，下面係生果。其實都幾足料，不過就淡淡地，唔係太吸引咁囉。

青檸芒果雪芭。(第二次探訪)

相比之下，呢個出色好多，因為佢個芒果雪芭真係好多，不過個青檸怪怪地咁，好似擦緊牙咁=.= 唔要個青檸我相信會開心好多 =0=

是日消費 : 40/位

７Ｅ咖喱王@尖沙咀

咖喱王
尖沙咀彌敦道36-44號重慶大廈E座7樓E2室，27212786
推介 : 特式香料雞

今日，一行三人黎到尖沙咀搵野食，見幾個人，咁就想去重慶試下我心目中係尖沙咀其中一間想食既餐廳 - ７Ｅ咖喱王試下了

首先，入去之前千祈唔好收人地既傳單，唔係就會多左好多張係你手上，唔識路就問大廈入面個實Ｑ，佢一定幫到你。

到左，因為唔太識點菜既關係，唯有出絕招，就係叫個老細黎介紹下。「老細，有乜野好食？」「呢度好唔好食係個個都唔同嫁啵！」「咁有咩係最多人點？」「呢樣，呢樣都好多人點，阿蘇有介紹過添」「係丫，阿蘇琴日打比我，叫我黎試嫁」a_a"

總括黎講，呢間係我食過幾間印度野既最好食既一間，真係有辣有唔辣，香港人唔食得辣，佢都會就返，都算唔錯。另外，一定要７點半之前黎到，唔係就有排等了。


老虎蟹都拎番張ＶＩＰ先丫，有９折，ＫＡＫＡＫ

串燒免治牛肉卷。

．．．個感覺真係唔太識講。有Ｄ顫味既牛肉卷埋一條條似腸仔，再用鐵板上，鹹左Ｄ，但可以接受。

印度炒飯。

冇味又硬又韌，都唔知有咩好食，但係個老細係咁叫我點汁先好食嫁，等埋個汁丫，咁加左汁又係唔同ｄ啵，但都係有少少頂胃。

香蔥烤餅。

又一樣要叉叉式點汁先好食既烤餅，少少蔥味囉，就咁食的話。

芝士烤餅。

老細極推介的一款烤餅，煙煙韌韌加埋汁，的確ｏｋ啵！

特式香料雞。

老細話好多人叫既一款野食啵！其實入面有冇雞都唔知，因為佢個咖喱汁真係幾濃，有微辣，愛辣之人應該覺得唔太夠。

瑪沙拉燴魚。

咩叫瑪沙拉，我都唔知，唔好問我。我只係識答你好唔好食。呢個比上一個辣少少，魚炸左之後就拎去加咖喱燴一燴，幾足料，可以一試。

花茶＆青檸梳打。

我當然係飲ｄ保險ｄ嫁啦。青檸梳打就岩我ｄ，不過甜左ｄ．．．

是日消費 : 約80/位

金船長@大角咀

金船長餐廳
大角咀大全街55號3A，23817369
推介 : 金船長漢堡包

大角咀呢個地方，我應該只係今次先黎過，因為夜媽媽又點會行呢ｄ地方丫，唔講都唔知咁既地方原來係有野食的。

３０度高溫之下行到門口，個ｗａｉｔｅｒ問我有冇ｂｏｏｋ。下．．．完全唔知咁既地方都要ｂｏｏｋｉｎｇ。「先生，冇ｂｏｏｋ就係門口等等啦。」要等幾耐丫？「你留個電話，大約４５分鐘有位，早ｄ走就打比你先丫」咁既地方都要等位，周圍都仲要係冇野行，又熱，真係想求其搵一間食左佢算。好彩隔左１５分鐘佢就打黎有位．．．

好了，廢話少講，先講講呢間餐廳裝潢吧，呢間好適合拍拖一對對咁黎，可惜今次只係同個男性朋友黎，真係怪怪的咁。ｄ檯有ｄ迫．．肥既朋友真係難坐ｄ

整體上，所有食物都可以的，水準之上，好食過好多扮外國既餐廳，不過，呢間餐廳真係要加強佢地既甜品，希望有待改進，呢間都不失為一間約女仔既好地方（如果唔介意出面冇野行的話）

唔記得左全名既忌廉湯

想唔好食都有ｄ難度吧，所以求求其其都比你過關吧。

金船長漢堡包。

黎之前已經知道呢間係主要食漢堡包 + 薯條，所以點都要試下呢度既名菜先，唔出名唔食！
薯條，真係幾好食，冇咩油，鹽適中，好食過愛爾蘭多多聲啦。


到個漢堡包了。

我點個漢堡包個時，個待應問我：幾成熟？我呆左一呆先叫佢７成熟。漢堡包問我幾成熟，我都係第一次 a_a"，第一次食漢堡包會有少少肉未熟，似係食緊牛柳咁，都幾正的！


千島薄餅。

佢聲稱有９”，太概都應該有的。個ｐｉｚｚａ幾平實，不油不膩，用料唔多，但個味道似芝士+忌廉+墨魚，底ＰＩＺＺＡ有少少脆，都算ＯＫ！


墨魚麵。

佢個名好長，又咩汁咁．．．我索性改左個名佢！
呢個芝士汁係底，食之前整一整佢先，芝士焗+墨魚麵+白汁，都係一個幾好既配搭。可以一試。.

是日消費 : 約 150/位