佐敦庇利金街63號，27302799
推介 : 雙皮奶
經過推出左發記之後，我相信到而家為止，糖水店三甲，應該係 義順，發記，甜蜜蜜。
唔係未食過其他，但係真係唔多掂。松記，我食過４次，但我每一次都有ｄ唔滿意，其中有一次食完仲肚痛。滿記，食過１－２次，印象冇咁深刻。澳洲牛奶公司，對唔住，第一次入去都已經黑單左！而家最流行個個棉花冰，通街都係，但係都未有一間可以滿足到我，有時有要求真係麻鬼煩，哈哈
雙皮奶
見到呢間既主打，我就一定好ｃｒａｚｙ了。始祖呢個名一定唔係浪得虛名的！
雖然我唔太了解雙皮奶點整，但只係知道真係好滑，一啖．就好似岩岩打邊爐既豆腐咁滑，但係凍既 a_a"，不過仲滑過豆腐，直落喉嚨，爽ｙｙ～
朱古力雙皮奶
同上面既感覺係一樣，出奇地，係ｆｅｅｌ唔到朱古力粉．．．．反而有ｄ奇怪．．．冇粉又有朱古力味既．．．但明明又係我飲開個ｄ朱古力。咁應該就係熱水沖完再整了。不過，真係要讚下佢，幾強！
是日消費 : 20/位
沒有留言:
張貼留言