一門@銅鑼灣

一門
銅鑼灣軒尼詩道502號黃金廣場4字樓，25043313
推介 : 蟹肉蛋

呢個名真係聽左好耐，我真係想試哂我ｄ試食排行榜，食埋呢間，又少一間，又要諗多一間ｔｒｙ了。

如果係銅鑼灣想食日本野，我真係唯有推呢間。我相信炸豬扒唔夠人地好食之外，呢間都應該不錯。

不過，呢間我本人覺得係中上價錢既。想食貴又得，平又得。有銀彈就乜都得！

另外，呢間野好串的，要ｂｏｏｋ檯，我入去個時只不過係六點半，當然就唔使ｂｏｏｋ啦，不過都係得ｂａｒ位坐‧‧‧七點幾都ｆｕｌｌ哂了．．．


一門。
銅鑼灣必食排行榜第二位。

由於太早既關係，六點半就要食晚餐。點左唔係太多野。但都好夠丫，食到捧住個肚仔走 =0=


蟹肉蛋

呢個真係必食。因為實在好食。夠熱，滑，香，加少少調味，真係一碟都唔多夠。哈！估唔到最好食竟然係呢個！




哈～我見到佢用個火槍燒，心諗，就咁燒就算？
但之後係見到佢係個爐度再燒既，咁都放心ｄ．．

燒元貝。我個人覺得麻麻地，因為．．我覺得有少少韌，燒得黎又冇乜味，又冇咩鮮甜味。所以呢個麻麻地。

燒牛舌。呢個同元貝真係好大出入。呢個爽，好入味（鹽串燒）所以下次我應該只會點呢個～


燒大蝦薄餅

呢個冇失望。蝦真係又大又彈牙，我單單呢點就比左合格先了。不過，我低估左佢。因為實在太多了，九小件一碟，食到我滯死　=.= 所以呢個一定要三個人以上先好點丫！

雞肉烏冬。

呢個又一樣，單單烏冬已經可以比佢合格了。因為煙韌呢一個名詞。不過，雞肉肥佬左，好韌好難食。下次都係點第二樣烏冬算了。

是日消費 : 約 180/位