荃灣青山公路388號中國染廠大廈中染新城商場1摟103舖，31020220
將軍澳培成路8號南豐廣場1樓R1B號舖，21773130
呢間日式意大利餐廳係呢幾個月一直都係某飲食論壇排名排得非常之高，短短兩三個月就可以殺入十大，總店加分店都可以同時上榜，咁我當然要會一會佢啦！第一次去坑口個間，去到原來係寫名仔而並非派飛仔既，本來帶哂相機諗住同你賣廣告，點知，我ｍｉｓｓ左３張檯，已經叫到第四張，佢都唔比我補飛，真係豈有此理，我即閃人唔食！
到今次去到荃灣，用左一個冇咩人用既方法拎位，就係逢五進一，即係拎哂所有５，１０，１５，２０既飛，之後就乖乖坐係度第個ｆｄ‧‧‧你地班友仔，要我等３個鐘！
真係豈有此理！
入番正題先，呢間係自助形式，拎野飲係自己沖，任沖的，唔飲就蝕嫁喇。但我反而覺得冇咩野飲，同埋好少ｒｅｆｉｌｌ，所以保險都係汽水算數。
食物方面，如果唔睇個價錢，我覺得只係好一般。但係睇埋個價錢，就覺得係抵既，平平地食番餐都好既。
冷氣好凍，冇服務可言，待應叫極都唔黎，真係要我衝埋去叫佢黎先得。
薩莉亞～
牛肉漢堡比薩。
９”ｐｉｚｚａ，冇咩芝士，其實總括黎講，只係得少少粒粒牛肉加個麵包咁，算係入到下口咁囉．．．．
尼哥狄索比亞墨魚汁。
呢個真係好乾，有點似食緊墨魚膠加意粉咁，太乾身了，雖然有少少炒既味，但食落係怪怪的．．
阿拉比提吞拿魚辣汁意大利粉。
最滿意都應該算係呢一個了。雖然真係有少少辣辣地，但係加埋ｄ吞拿魚又真係幾過癮，又唔會太乾身，有又少少辣汁，加少少蕃茄，酸酸地幾好味。
海鮮意大利飯。
意大利飯都算係合格既，呢個有蠔仔，墨魚，青口，（ｄ海鮮都係麻麻地，得個樣）
邦哥尼香蒜蜆肉意大利粉。
都唔明，個個意粉都攪到咁鬼乾。其實佢係唔係整低左一大盤之後就落料炒兩炒就算嫁咋，冇味既呢個，肥佬冇情講，廢事哂口水！
煙肉菠蘿比薩。
呢個ｐｉｚｚａ比牛肉好食ｄｄ，因為都比我見到有少少誠意既，影相都冇咁ｄｒｙ丫。佢呢隻ｐｉｚｚａ 唔加調味料係唔好食的！
是日消費 : 約 50/位
坑口果間我食過啦..基本上得個平字..野食如果唔同價錢掛勾的話=不合格....但都是N咁多人日日去食..@_@
回覆刪除哈哈，香港人係咁嫁，當一大班人都去既話，就會吸引另一堆人一窩蜂咁去，人地個個話好食，之後就會一堆人話好食，話唔好食個d 就比人認為唔識食咁。我只可以講呢一間係計埋價錢先拉到合格個分咋!
回覆刪除新張大吉 過黎睇吓先 掂呀 如果可以加埋tag仲好 例如 美食又或者可以加埋地區 到時我地一搵邊個地區就可以show哂出黎 thanks!
回覆刪除我都係新人黎嫁咋....點回覆都唔識丫....又點會識tag丫 =.= 呢d 叫你教我喇....
回覆刪除