劉森記@深水埗

劉森記
深水埗桂林街48號地下，2386 3533
深水埗褔榮街80號，23863533

每一次我去深水埗，我第一樣想食就係呢一間，劉森記。我已經食左３次了，次次我食完都好想食多一次，因為佢地既蝦子真係好吸引我，每一次食完都滿口都係蝦子味，真係好滿足的。到而家為止，暫時到而家都未搵到第二間既蝦子麵可以同佢較量一下，佢呢度唔單止蝦子出色，其他配菜都一樣咁正，我打完呢篇食評又想食多次了！



豬手蝦子撈麵

揀呢個，其實我想試下用彈既角度去食嫁，因為次次都比佢拎滿分，個條氣唔係咁順丫麻。想用豬手呢個比較難整既，落一落佢個面。點知，真係冇得彈佢，豬手好重上湯味，蝦子夠香都唔在講啦，仲要好似唔洗錢咁落咁鬼多，麵夠彈牙冇鹼水味。今次真係唔比滿分都對唔住自己啦，澳門個間黃枝記死埋一邊啦。

是日消費：$28