大婆牛肉麵@九龍城

大婆牛肉麵

去完台灣之後，一直都好掛住永康牛肉麵，如果佢黎香港開分店，我一定會衝過去幫襯。可惜，係香港，一條街都係賣同一種食品真係好少見。如果真係有咁多間競爭，我相信一定可以整到好高質素了。
而呢一間，係香港既牛肉麵都相信係五名之內吧，呢一間都係仿傚台灣既牛肉麵，九龍城黎講，佢都算幾出名嫁喇。

大婆牛肉麵

入口好淋，湯都好濃，但認真飲多一啖就覺得有少少口渴，唔通湯中有味精？！我只可以講，係似台灣個ｄ牛肉麵，但如果呢間野去台灣開，一定比人打低～同永康個間差太遠，人地淋中有咬口，唔似佢呢間咁淋，湯也真正用牛肉湯，我個時係差唔多成碗湯飲哂，呢一間只係幾啖，差得遠丫！

不過，香港黎講，我會比好高分，因為地點所限吧。

是日消費：$45/碗