小食@長洲

復活節既第一日，約左一大班同事去長洲玩，暢遊之餘並係GIVEN家BBQ。

有我呢個為食+麻煩小伙子，當然會行哂長洲，將最好食既東西放係我肚入面啦！
未黎之前都諗到有幾個目標了，但其中一個就摺埋左，真係有少少美中不足的！

有好多野都好似未玩哂咁！估唔到個島咁細都有咁多人，咁多商機，真係佩服佩服！

串串槓薯片 (我改的XD)
洲啤工房

一入到長洲就成日見到人地拎住呢ｄ野，咁好奇就想知道究竟係邊度買，攪到我又想買返一串玩下！
可能因為太多人，見唔到有得加調味料，攪到冇味，只係有著仔味，唔難食，但又唔太吸引囉

因為有創意！7分 !


大粒魚蛋
新照記茶餐小食店

呢個係我每一次入長洲的目標之一，又大粒又彈牙的。上次加左沙嗲汁，又香又正 ! 今次冇加到任何配料都好好食 ! 不枉我行咁遠！ 炸的魚蛋永遠都係咁好食，好食過新鮮的白魚蛋 ! 8分 !



四色糕點
新照記茶餐小食店

左起 (南瓜，芝麻，綠茶，白糖)
白糖 6分 >綠茶 4分 >芝麻 3分 >南瓜 1分
本人完全討厭南瓜 ! 加上係完全冇味的 ! 難食 !
NEXT！

紅豆餅
故鄉俱樂部

一開始見到有人排隊買餅，覺得香港人真係....，之後見到有好多人都拎住腸仔手卷， 14蚊一個的 ! 完全唔明白有咩好食，可能佢地係唔係未食過飯同未食過腸仔呢，日本人整又點丫，外星人整我都唔食啦 !

講返個餅，我真係覺得一般咋啵 ! 個感覺係鬆餅加紅豆囉，完全唔覺得有咩更特別既地方，一般一般就 6分吧 !


芒果糯米滋
允升甜品

呢個絕對係一級的 ! 個皮夠薄，芒果肉夠大，成個糯米滋都有接近 5 個 5 蚊餅咁大，芒果又有少少汁，真係好正的 ! 呢個真係唔比 9 分都對唔住自己了。

減左一分就係因為冇得坐，如果有的話，我諗我會掃左好多甜品了。


芒果炸彈
己摺埋 !

呢個係 07 年 10月左右影的
呢個係我其中一個目標，不過已經摺埋左，好可惜的一間....