荃灣楊屋道1號荃新天地上層地下41號舖，28773375
一直以來，到荃灣諗食個餐都係最頭痛，就係冇野好食，同冇咩餐廳未入過去囉，想要又新奇又刺激又好食真係幾難的，最重要係又要滿足２位老細麻。
其實呢個商場我都黎左幾次嫁喇，有幾間餐廳都入左可入圍食晚餐的名單。但唯獨呢間就列於榜外，點解？因為本人唔太鐘意〔夜晚〕食意粉，原因有三：一、點食都唔會飽 .二、最怕食完好滯既感覺 .三、最怕就係就咁用滾水煮完意粉就淋汁上去，難食之餘又冇難度。
咁點解我又入呢間 pasta 呢？因為個２位老細想食囉，個時再唔入我怕已經餓到暈，ｏｒ可能衝左去其他地方自己食了，所以，呢個係冇得揀既〔選擇〕
好了，入正題
呢間餐廳的食物，我諗可以用幾個單字形容哂。第一個，比個好少少既形容字先〔靚〕
食物全部的賣相係好好的，冇九分都有八分，完全岩哂想食意粉又要扮高貴的女仕。
到第二個形容字，〔少〕ｄ食物又細又少，好彩我一早預左少，特登叫個套餐一個人食了，但係都係唔太夠食。一定唔關我大唔大食事，係根本個ｓｉｚｅ加大都係只夠女仕食，我諗食完個餐我只係５０％飽，如果只係叫意粉，相信只得２０％，仲有，就連湯都好似比人飲左一半咁。第三個字，〔貴〕呢個形容字，我相信好多人一拎起個ｍｅｎｕ就感受得到，一碟好鬼簡單的快速火腿意粉都要６８大元，我真係想問下佢係唔係傻嫁？咁既價錢比到ｄ咩質數我先？
不過好彩，入門口之前拎左一張５０蚊消費券，平番個加一都好過冇。我諗都幾難會有下一次了。
Ｐ．Ｓ．１０點半就過左去隔離食糖水加咬雞脾，２位老細都係 -0-
不過呢間既功力仲未入到黑名單既。
拿破崙炒意粉。
拿破崙炒的意粉，好食掛........
粟米湯。
得個半杯仔，唔講以為比人偷飲左。
都係屋企d 粟米湯好飲好多 =.=
火腿西蘭花湯意粉
炒意粉就食得多，湯意真係第一次食。
我諗係全個menu最好食的一個了，因為我相信佢地d 湯意係有水準的。炒過的意粉，加西蘭花忌廉湯，原來都係一個唔錯既配搭，呢個我都幾 buy 佢的。
肉醬牛扒意粉。
當我地取笑緊拿破崙意粉有幾少的時候，我就話：你小心你個意粉仲細丫，之後就送到黎了。見到牛扒，我真係笑左出黎。雖然我冇食過，但我諗都係麻麻地。
海鮮焗長通粉
以為有咩海鮮，點知係幾粒蝦。以為和x個焗飯夠細碟嫁啦，呢間一山還有一山高。如果想知道個比例，睇支牙簽就知了。
不過，呢個都ok好食，好多芝士囉 =.=
是日消費 : 約 70/位
沒有留言:
張貼留言