鴻福海鮮四季火鍋
土瓜灣落山道86號地下(巷內)，23650112
推介 : 大虎蝦
－－－－－－－第二次－－－－－－－－－
2009/11/12
再戰呢個地獄食府，個天落住雨，又諗起要行個條死人木人巷，攪到勁唔想去，好彩個天係過雲雨，咁都冇咁嬲，不過．．過個條木人巷依然都係咁驚．．．有老鼠一定嚇死我！
－－－－－－－第一次－－－－－－－－－
2009/03/23
我其實一早已經聽過呢間火煱既名，一直都唔敢去，就係怕呢間野污穢，怕食了唔乾淨，本人個肚子十分厲害，只要有少少唔乾淨，就會上吐下瀉，食海產尤其非常小心。
返工個時，無意見到同事食左呢間火煱，就開始討論了。點知，佢地真係話book位，我聽到都呆左，仲係度猛咁講：好污穢，好污穢。但佢地似乎為食虫上左腦，一句都聽唔入耳。
我book位吧，一打個電話就比個類似老細既物體不禮貌的招呼，幾位呀，電話幾號，咩名，幾點，之後就好唔耐煩咁收線。如果真係得我一至二人去食，我一定唔去，因為本人再強調係受唔到氣的。心諗：我即管睇下你有幾巴閉，唔好食就即刻入黑單冇情講。
幾經辛苦先搵到個地獄主場，原來真係幾難搵，入去個時都預左污穢，坐低左第一個感覺就係。下‧‧‧乜咁既地方都有得食野嫁咩，唔講都唔知係火煱黎。
整個過程，老細/小二 都冇不禮貌既招呼，只不過有少少漏單姐，尚可接受。不過加炭個時真係好危險囉，比食環署加消防處一齊出動，呢間就拜拜了。
總括來說，食物都算上級，價錢都是中等，衛生就下級 (只有大廳才安全)。其實個日見到幾多青年人至中年人食野，奇怪的是，個個都係白領，衣著整齊的。我想像中的地盤至老人家一個都沒有‧‧‧
又黎呢個主打 - 〔縮骨遮〕外型的大蝦
冇得講，真係又大又彈牙又爽又新鮮，影相個時佢仲係郁緊的，要睇比例相，請睇下一張。
比例相。
帶子囉。
我食個粒好細粒既．．．．．冇咩肉食．．．
魷魚囉。
冇影到帶子添。
細細的鮑魚仔
幾鮮甜同埋有海水味。正！
大蜆！！！！
食呢ｄ最好就係原味咁食～正！又鮮又甜，用左好多次呢個形容詞。
勁舊的裝潢．．．．．
招牌一個。相信都擺左好多年......
入去之前請先行過木人巷，行到最尾見到個黃到霉既招牌就係了。
小心，隨時有小昆蟲的.....影相時間係七點鐘，夜d 仲恐怖。
未食野之前張檯。中間黑色個d係咩黎‧‧‧?
一陣就會開估了
混戰中
一邊打邊爐，一邊炭火燒。
very good =0=
呢d 蝦真係有 7 吋長，未見過＆未食過
咁大隻仲要係未死的。
一陣煮左佢黎食，真係善哉善哉！
為怕唔清楚個比例，我特登用筷子加樽蓋黎做個比例。
不過本人就覺得要水煮熟再炭燒，就ｇｏｏｄ哂，因為炭燒好難退殼的．．．．
不過都好鮮甜加彈牙。ｙｕｍｍｉ～
脹卜卜的元貝 －０－
個形好得意，我一個人都食左２隻 a_a
有ｄｄ沙，不過都好正下
是日消費 : 約 170/位
