帝苑餅店@尖沙咀

帝苑餅店
尖沙咀麼地道69號帝苑酒店大堂，27332045
推介 : 芒果拿破崙

請食ｔｅａ需要原因嫁咩？就係因為我想食囉！

事緣上次係阿ｓａｍ請完ｔｅａ之後就問我，幾時到你請食ｔｅａ丫？之後我就話，我請食既話就會出去買喇啵，你等星期五我請半日假出去，順便買埋比你地食啦。所以叫左你地班友仔唔好請假，唔係真係錯失良機嫁喇，點知都係咁多人請假，真係激死！

溫馨提示：想買原個蛋糕一定要訂，最少要早一日訂。我對住個ｓａｌｅｓ有少少黑面，因為明明講好左１點拎貨，佢攪到我１：１５先有，我點搭車丫，講好左一定有，又比唔到我，冇ｄ口齒。

不過．．．真係好令，同好好味，見到個蛋糕我都好ｌｕｍ，眼前一亮，我立下決心，一定要識整甜品！


芒果芝麻脆餅

我初初一聽個名個時，芒果芝麻脆餅，好似好怪咁，訂左之後，有ｄｄ後悔，唔好食咪死！之後又諗，好唔好揀過第二個呢？個心好矛盾！

點知，原來係出奇地咁好食，ｃｒｅａｍ+芝麻味+有少少脆脆....真係正啵 haha

芒果拿破崙。

呢個又係賣飛佛。見佢個網頁冇提過拿破崙，咁等我為你影番張相啦！拿破崙係用好脆同鬆化既一層層酥皮整，加埋吉士，呢個做到合格有餘了！真係好脆同好鬆化！２件都係上級之選，果然冇買錯。

是日消費 : 400 (蛋糕 2 個)