九龍城南角道8-10號，27167828
屯門青善街康景花園，24589928
推介 : 咖喱炒蜆，炭燒豬頸肉
－－－－－－－第二次－－－－－－－－
2009/11/08
好掛住佢個咖哩炒蜆，今次我真係為左呢一個而來，同樣地，冇的話我又真係會轉頭就走。因為我就係呢ｄ為左食而食既人，所以就愈來愈醃尖了。
今次又黎到呢個主場（九龍城），呢間餐廳今日有人生日啵，點解我去既餐廳十間都有五六次有人生日既？我都唔明點解揀呢間餐廳食慶生飯，不過可能都係因為好食掛，連我都想去唱下生日歌添，都幾ｈｙｐｅｒ嫁，哈哈！
原來呢度唔可以碌卡嫁，一時比佢嚇親，好彩都唔使洗碗，ｈａｈａ！
－－－－－－－第一次－－－－－－－－
2009/05/28
睇黎，九龍城已經成為我最想去食野既地方。
次次去九龍城，都好開心嫁，因為食到又地道得黎又好好食既食物，但有一點美中不足，就係唔可以試多 d 食物，如果一班人去，你話幾好呢 !
黎左咁多次，終於去試左長期第一位既小曼谷 ! 果然真係名不虛傳，真係正 ! 睇黎金寶要加油喇 ~
咖喱炒蜆。
佢ｄ蜆真係好鬼大隻，又甜，個咖哩又係幾正，又有椰香，少少甜甜地，加上微辣，岩哂我呢ｄ食到少辣既朋友喇，點麵包ｏｒ送飯都幾正嫁！
這是一張比例圖 ＝０＝
呢個係小曼谷炒飯
問個待應，咩炒飯受歡迎丫？佢指呢個呢個，我話：呢ｄ都冇星星既，唔係應該點ｄ有星星嫁咩？
佢就指左呢個．．．我一早心諗都係呢個嫁喇，只不過係想問下有咩其他好食嫁姐，咁敷衍我嫁！
不過呢個真係ｏｋ既，一黎到我都呆呆地，我都冇叫蛋包飯．．．佢入面個ｄ係海鮮黎既，都幾足料的。
炭燒豬頸肉
哈 ! 呢個一定係炭燒的，加配汁，好辣 ..... ｘＤ
扎肉牛腩檬
睇黎呢個冇咩睇頭‧‧‧
紅咖喱炒飯 (雞肉)
睇個樣好似平平無奇咁，但佢又真係炒得幾入味，飯身乾濕好平均，呢個都幾掂的 !!!
泰式炒蜆
本來諗住叫咖喱炒蜆，叫錯左 。不過呢個都 ok
有鑊氣加微辣，味道剛剛好，好快比我清哂 a_a"
是日消費 : 110/位
沒有留言:
張貼留言