旺角亞皆老街24-26號1-2樓，26993002
銅鑼灣駱克道491-499號京都廣場1樓，28912881
大角咀海庭道18號奧海城二期1樓102號舖，23933959
葵芳興芳路223號新都會廣場1樓168號舖，24214817
推介 : 豆腐雪糕窩夫
呢個星期係我最最最殘既一個星期。就連今日都要加班，想諗下去邊食野都唔得，攪到近排我個 facebook 靜好多，想搵ｄ食物充撐場面都唔得。
好似愈講愈遠添，今次黎到呢個係求其搵既一間又係想食好耐既餐廳，風月堂。
點解想食？因為都係聽聞幾出名，同埋甜品幾掂既一間餐廳咋。一入到去門口，嘩左一聲，咁靚既？？佢個餐廳以白色為主色，白色梳化，白色燈，仲有咕o臣 ，真係幾似一間高級ｃａｆｆｅｅ咁。
所有食物都ｏｋ丫，詳情會入面講，所以呢度唔多講喇，不過個香蕉麻麻地．．．下次唔好點喇，我怕怕 \. /
埋單個價錢都幾合理，食到好野我又唔介意丫。
雜菌墨魚汁闊麵。 （不是主菜）
其實呢個冇咩特別，不過就幾香芝士味。
火腿煙肉ｐｉｚｚａ（不是主菜）
呢個食左都冇咩印象．．．
炸雞卷沙津。（不是主菜）
呢個整得都幾ｏｋ，其實樣樣食物都合格，但好似缺少左一ｄ野，就係唔落本！係味道較得岩岩好，但係真係唔夠料同量，所以一直都冇特別就係咁解，呢個都包括在內。
豆腐雪糕窩夫 （主菜）
唔知個日係我狀態唔好，定係味覺有ｄ問題，完全食唔到呢個係豆腐味，唔係朋友講我都唔知！完全ｆｅｅｌ唔到，不過真係好正，好脆，又熱，加埋雪糕．．．個感覺好似冷同熱打仗咁！
酥皮炸香蕉加芝麻雪糕 （主菜）
頂！我岩岩上網，先知原來呢個好多人點，好多人話好好食，我想問下佢地ｄ味覺係唔係有問題嫁！！！
呢個係勁難食！！！我好想叫佢回水丫！！
點解我咁大反應，因為我食個時有ｄ酸酸地既味，係香蕉出黎既味，加埋芝麻味，個陣味我真係接受唔到咁難食．．．．我要搵芒果雪糕整落去蓋左個陣味先勉強食到。仲要冇食一舊，第一次唔食甜品咋～～我榴槤唔鐘意食都食哂嫁～！
不過，佢真係炸得幾令，唔係香蕉會好好多～～
我發誓以後唔熱食香蕉丫～
是日消費 : 150/位
沒有留言:
張貼留言