大戶屋@太古

大戶屋
鰂魚涌康山道2號吉之島百貨L009地下，2560 1991

點解會黎呢一度？其實我都係想搵個地方可以行下姐，咁太古有個商場，睇落都幾多野行丫，咁就去行下啦，點知，個日冇做功課，唔知有咩地方好食，就盲中中咁上左條賊船，哈哈！比呢間野既外表吸引左，門面好靚，以為好好食，點知，佢既質數比普通既日本餐廳仲差，真係估都估唔到丫．．．．


喬麥麵。

唔係想像中咁好食，只不過係將碗裝變左木版上之麻。冇特別冇驚喜。其實真係冇乜味，佢木盤夠大，但麵又唔多，好似ｄ人食剩咁，不如轉細ｄ個盤，或者個外觀會好ｄ。




炸雞排

佢聲稱係主打囉。見佢咁，叫左個試下囉。唔試由自可，一試就把幾火 ! 又硬，又乾，又冇味 ! 下面仲有飯。呆左 =.= 連主打都咁難食，其他試唔試都擺就 ！我完全唔明點解某飲食網既人話呢個好食，完全理解唔到！ｄ人味覺係唔係有少少問題呢？



滑蛋豬扒飯。

其實我覺得一間日式既餐廳，如果有呢個滑蛋豬扒，多數都整到好難食 ! 整到好食既話，個間一定係咩日式野食都係好好食既，所以呢個係一個指標。我到而家都未食到一個好食既滑蛋豬扒飯，要求好簡單，只要豬扒脆就ｏｋ，但偏偏間間都整到咁淋，有咩好食丫！！如果有朋友食到個好好食既，請記得介紹一下，幾多錢都冇所謂，我一定會去try下的 呢個。

算啦，豬扒又淋，蛋又水汪汪。一個大交叉 !

是日消費：約 $80/位