葵芳興芳路223號新都會廣場5樓501-510號舖，2610 1880
今日去葵芳行下街，食野個時考慮緊風月堂定係呢一間。當然，最後一定係呢一間嫁喇，因為我都幾鐘意食石頭煱飯既～
葵芳真係少左好多野食丫，其中一間都幾出名既，我可能會再去影一影相既，叫金潮小廚丫。除左小廚個一間，我都諗唔起有邊幾間特別好食丫，所以叫我介紹呢一區，都係一件幾煩惱既事丫！
呢間個位就係百人一朱改建既，呢間都位置都幾大，幾多座位，由於唔想食燒野，就點左幾樣小菜。
韓式炒粉絲
一個普通既炒粉絲，我相信一般韓式地方都有既炒粉絲．．．
人參雞湯，都冇人參既苦苦地既味既，我以為自己飲緊雞湯，不過真係有半隻雞比到你既，都算有誠意啦，d雞都幾滑，我都食左好多。
海鮮辣麵，一般般吧，幾樣海鮮都唔係幾新鮮，麵就似一般既辛辣麵咁煮，呢個唔係太值得食。
呢個係食左咁多個石煱最低分既一個，咩都冇，只係得雞肉係面，石煱係我最鐘意個樣，呢樣係我最易比高分，仲要係幾易整既，都咁差.....我真係好失望，呢間真係冇下次。
不過，我飽到呢．．．．
食物評分：★★★☆☆☆☆☆☆☆
是日消費：約100/位 (2位用)
沒有留言:
張貼留言