好時沙嗲@尖沙咀

好時沙嗲
尖沙咀麼地道63號好時中心144-148號舖，2739 9808
推介：海南雞飯

其實呢一間我去過都唔止4次嫁喇，有一次係自己突然想食喇沙,就一個人黎呢度食，不過呢度既喇沙真係麻麻地,完全唔值佢個價錢。正所謂海鮮都有時令啦，餐廳都有分咩好食既。呢一間點解我成日黎幫襯呢，就係好掛住佢地既海南雞，佢地既海南雞係鎮店之寶黎，食過呢間既,係完全睇唔起其他牌子既海南雞嫁，所以，到現時為止，呢一間應該係我食過咁多間既海南雞最好食既一間！




海南雞半隻($65)

我一d都唔hard sell 嫁，佢地既海南雞全部都已經拆骨，雞肉又嫩又滑，加埋三種醬料，分別係酸辣醬，豉油，同蔥油，三種都各有特色，我就比較鐘意蔥油丫。個人認為食海南雞一定要配油飯，佢地ｄ油飯真係特別香，好香雞油味，兩樣夾埋真係一絕丫。


咖喱海鮮($40起)

呢個咖喱濃但料不足，比起另一個粉絲海鮮的話，個粉絲應該會比較出色一ｄ，呢個咖喱海鮮既海鮮不外乎蝦同魚，蝦就唔新鮮的，魚就魚頭魚尾，唔知點咁，早知就唔點好過。


串燒 (雞,牛,豬)

其實呢個串燒又係麻麻地，豬牛雞三樣都係柴皮既，燒都乾鬼哂，好似食緊牛牛乾咁，又冇厚度，串左少左一半，之前唔係咁嫁，縮皮左！呢個又列入考慮之列，番食既原因可能只係因為個沙嗲醬咋，蔭公！

食物評分：★★★★★★☆☆☆☆
是日消費：$197 (2位用) (有飲品2罐+油飯3個)
P.S. 本人食左2個飯丫!