金滬庭@東涌 《東涌鬧飢荒 !》

金滬庭京川滬菜館

東涌達東路20號東薈城一樓116號舖，2625-9008

今日無啦啦發癲咁，去左東涌行下啵，其實都冇咩野行，只係得ｄ〔勾呢〕，我又唔係咁想買衫，只係睇下就算咁既感覺，其實一心黎呢度食野既。值得一提既係佢個ｆｏｏｄ　ｃｏｕｒｔ呢有一間食菠蘿炒飯，竟然係半個菠蘿上，好耐冇食過係咁丫，衰在冇影相添，如果下次食，我一定影丫，好懷念。（點解我次次都有開場白既=.=)

講返今次先，今次本來想食一間咖喱既，或者自助餐，但前者就太遠，好危險，後者就太飽喇又，所以都係食番ｄ輕量級，其實都幾飽嫁喇．．．．．

我影相唔知有冇進步左呢？

雞絲粉皮

食左一半既雞絲粉皮，因為我唔好意思影相，我都未介紹過酒樓，所以有ｄ唔自然，哈哈！

呢個菜睇唔出功架，一般貨色。

炸銀絲卷

呢個被評為最好食的！！！！

因為個外皮夠鬆，入面個餡夠熱，熱到爭ｄ條脷都比埋佢丫，入面有蘿白絲，不過就太油，食左一個都好飽。

小籠包

小籠包，多汁，夠熱，淨係呢兩樣我都可以比好高分，呢個小籠包仲好食過ｘ泰豐。只不過賣相係差少少姐。

雪菜肉絲窩米

因為想食清少少，就叫左呢一個，不過都好飽，好難清得哂呢舊野，都係一般貨仔黎。


芝麻湯圓

呢個失敗之一，佢用滾水煮比我，如果唔係，我應該會比接近滿分，芝麻自己炒出黎，食到芝麻香而且皮簿，完全掂丫呢個！！！

食物評分：★★★★★★☆☆☆☆
是日消費：約130/位 (兩位用)