煮館＠銅鑼灣

煮館
銅鑼灣波斯富街48號優食橫町3樓E店 ．3173 8193

今日又係ＯＴ既日子，明明以為攪得掂既野，偏偏係呢個時間出左岔子，仲要係攪左勁耐都係得個吉，個心態真係有少少（慶慶）地，ｄ野唔可以講得清楚ｄ，目的明確ｄ嫁咩？次次都係整到一半先話我知佢個要求，個下真係想比番佢自己做。所以呢個係我想走既其中一個原因，根本就學唔到野，同埋冇咩挑戰性，得過且過都可以，咁點做好ｄ呢？

請原諒我發左少少勞蘇，我其實都鋪排左點解去呢間餐廳食野。因為我落到去ｃｗｂ都７點幾，要人等我等左接近成個鐘，我真係非常之唔好意思．．．

可能心情影響掛，我本來對呢間有ｄ憧憬既，但去到又降左　grade，覺得位置麻麻地。因為呢間係食粥既，我都冇叫粥，所以結果有少少偏差。





肥牛魚湯米線

好淡既魚湯，肥牛好普通，我本人覺得真係好清，同譚仔有得比丫！


豬軟骨喇沙米粉

我真係比佢freak左，以為係喇沙，點知係米粉，真係好唔開心，好彩我真係食唔落野姐，唔係一定仲唔開心丫。
豬軟骨係淋，但好似車仔麵既感覺，喇沙都冇味，真係唔合格丫！米粉又冇味，真係茶餐廳都好過佢，你都係賣粥啦！！！

食物評分：★★★☆☆☆☆☆☆☆
是日消費：48/位 (食車仔麵都咁貴，都係埋單先知咋，哈哈！）