旺角亞皆老街8號朗豪坊11樓13號舖，2363 6633 / 2332 6868
我近排真係好忙好忙，開始感受到呢個blog對我帶來既壓力，壓力唔係來自又要去邊食野，唔食野冇貨交咁。其實係因為我食左餐，影埋相，就係冇時間打blog。有好多貨好似居屋咁，推緊ｄ貨尾出黎賣咁。不過，呢個近又又唔係貨尾黎既，放心睇啦，哈哈！
識我既朋友都知我鐘意食，但就唔會食ｄ咁貴既豬扒，好似丼吉咁。我知道係正丫，但成二百蚊一個咁既ｓｅｔ，真係唔值囉，就算食完個豬扒識飛，我都係唔食囉。我會比多百零蚊食第二ｄ更好囉，因為我為食丫麻。
點解黎呢度食？本來我心想食隔離個魔鬼壽司既，點知九點幾都要排咁鬼長龍，係人都知我唔等得嫁啦，我一肚餓就忍唔住衝入去嫁喇，呢間好似冇乜人，咁就中左入去囉，個名又好似聽過咁，咁咪試下囉！
磨芝麻
好似變左列行公事咁，乜真係咁好玩咩？我又唔覺，不過磨左又真係未食就有芝麻香既。
天婦羅拼黑豬柳
天婦羅比黑豚更好食！天婦羅好少油，蝦夠大隻，彈牙，爽口。
呢度既炸物做得幾好，但肉就實左ｄ，其實冇咩特別之處。
蘿白絲加蘋果醋或青瓜汁都好好食丫，幾清甜。
芝士千層吉列豬扒
呢個幾得意，豬扒真係見到一層一層，真係想問下點解可以整成咁，中間加左芝士，可惜就係漏哂出黎，同埋比較芝士比較凍左同硬左ｄ，食落冇咩特別之處，又係實左ｄ．．．．
炸忌廉松葉蟹薯餅
薯蓉加蟹柳絲，芝士幾濃幾香既，呢個都可以既。
總結：對炸豬扒都仲係有有色眼鏡
食物評分：★★★★★☆☆☆☆☆
是日消費：＄190/位 (兩位用)
沒有留言:
張貼留言