將軍澳運亨路1號新都城第一期地下G28舖，2706 9955
推介：芒果班戟
呢間聰嫂，我又係試過幾次了，因為本人覺得冇乜特別，一直都冇出過任何食評有關呢一間餐廳既，不過，每次經過呢一區，我都會諗起呢一間糖水店，因為呢一間係個區最出名，應該話，個區得一間比較出名既餐廳，就係呢一間。如果叫我諗多一間既話，我一定答唔出．．．．
今次去到寶琳，一心諗住食芒果，就一叫就叫左幾款芒果試食，哈哈！真係幾ｃｒａｚｙ！
芒果豆腐花
我呢個要讚一讚佢個〔汁〕，因為佢個汁好明顯係用芒果沙冰做嫁，好有心思，愈細微既地方，愈顯得佢既心思，一般芒果豆腐花只不過係芒果加豆腐花，完全好似加生果咁，呢度最起碼會加西米，芒果汁，外型我都加左好多分。豆腐花係清甜，不過未到好滑既程度。
芒果黑珍珠
我覺得佢地既芒果太熟，芒果太熟好似食緊糖水咁，又係大忌之一，因為冇左芒果個種酸味。不過芒果黑珍珠依然係我最愛之一。
芒果班戟
呢個係我推介之一，佢皮薄，芒果多，忌廉夠，真係非常之得，呢個班戟令我幾難忘同埋幾回味丫，雖然簡簡單單，但足見功夫了得！我特登影個橫切面丫！！
－－－－－－－－－－－－－－－－－－－－－－－－－－－－－－－－－－－－－－－－
呢兩個係坑口總店食既，入面有劉華提字，幾得意啵．．
椰林翠影
我本人好唔鐘意綠色既東東，呢個係薄荷加綠茶味，有ｄ九唔搭八，兩樣都做得好，但就係唔夾！攪到我唔係咁想食，呢個係敗筆！椰汁係濃郁，有我最鐘意既白糖糕，呢兩樣都唔錯丫。
薑汁芒果豆腐花
好濃既薑汁，食完有少少辣，豆腐花同芒果我都食過，不過今次轉左薑汁，配搭都仲可以．．．
食物評分：★★★★★★☆☆☆☆
是日消費：約$25/款
食物評分：★★★★★★☆☆☆☆
是日消費：約$25/款
沒有留言:
張貼留言