旺角上海街557號旺角熟食中心2樓8號舖，3514 4348
今日小弟想出街買鞋，就拿拿聲約左個朋友去旺角，好彩佢就同我幾玩得，我話去邊食，佢都冇異議既，可惜既係，個晚又要加班，攪到７點先走得，次次都係我約人先要加班嫁，又要佢等左一陣，萬分sorry！
之後其實我有地圖，有地址，但係都係兜左個勁大圈，行左好多個大運先搵到，估都估唔到係酒店下面，真係我同個ｆｄ都ｏ哂咀，各位朋友，係朗豪坊隔離，低ｄ個條天橋就會搵到。
我入去到好似別有洞天咁，估唔到旺角仲有咁平既野食，廿幾蚊都有個餐，真係對我呢ｄ平民幾岩啵．．．哈哈！！但係呢間特別貴既，可能因為出左名掛，我入去個時仲見到個廚房佬食煙丫！！！扣ｑ哂分！！我見到咁都唔係幾想買，但一場黎到，算啦，我叫個咖喱牛腩啦，因為有外國遊客特登黎呢度試呢間。
總共叫左兩樣野 ：咖喱牛腩農夫包，什扒鐵版餐。
什扒鐵扒餐
呢個好唔掂，鐵扒唔熱既，叫薯菜得幾條，我試過豬扒，好好好好淋，ｄ鬆肉粉應該幾重手丫！！呢個唔好點丫！！！
咖喱牛腩農夫包
（未開前）
農夫包，真係幾濃既咖喱味，夠香，牛筋夠淋，牛腩都淋身，入味，包外夠脆，入面好似一般面包咁軟身，加左咖喱汁就真係幾正丫 ！！
食物評分：★★★☆☆☆☆☆☆☆(原本6分,減1分食煙,減1分環境+價錢(因為個度平均30蚊左右,減1分鐵板餐)
是日消費: $48/位
沒有留言:
張貼留言