屯門屯隆街3號屯門市廣場一期3樓3205號舖，2618 7499
今日想出去行下，問個朋友，去邊好丫。由於香港好多地方都去過哂喇，搵唔到一ｄ好耐都冇去過既地方，佢就提議左去屯門，我下左一陣．．．個腦即刻諗下有咩好食，但諗極都冇貨，就算有丫，都唔知係邊．．．識鬼路咩，我又冇車，又唔係住屯門。
之後上網搵左一陣，咦，見到呢一間都幾唔錯丫，都獲好多好評，咁多人話ｏｋ，我梗係唔覺得有問題，仲要咁多人排隊，我諗唔好食都有個譜掛。
入去之前，佢同我講食一個鐘，我即串佢：點食丫？一個鐘．．．佢話公司規定，規你個死人頭，任食都兩個鐘啦！心諗，好！唔好食睇下你有咩後果。
之後我地一行三人點左３個烏冬加兩個小食，三杯飲品。 以下係小弟對所有食物既狂插，如果覺得我寫得粗魯，唔該可以按〔上一頁〕
烏賊軟骨
呢個個味似麵粉加味加色加油去整，完全唔知係咩黎，又唔係肉，呢個小食係廢既！
七味豬頸肉
佢有分豬頸肉同埋七味豬頸肉，我就同個朋友講笑，呢個係唔係加左七味粉之後收貴ｄ咋。一黎到，我同２個朋友都呆左，根住我就講多句，叫佢收起ｄ七味粉計平你幾蚊啦！！！
呢個真係同平時個ｄ冇分別，又係用火槍燒姐，都冇味既！！！！
汁燒牛肋骨手打烏冬
呢個我叫既，牛肋骨應該唔差掛，點知一黎到，我完全覺得係垃圾！！！！
牛肋骨韌到你丫媽！！
烏冬冇煙韌
湯底都係一般貨！
滑蛋大蟹柳烏冬
當我發火鬧緊個烏冬個時，我朋友個烏冬又上了，我都係習慣左試人個湯先，個湯做得唔好，碗野好極有限！
一試，我頂，根本就係麵豉湯開粉個ｄ味精水咁！！蟹柳用麵粉唔使我講啦，成碗野成本都唔知使唔使２蚊！！！呢個簡直係垃圾中既ＸＯ，仲推介丫係佢個ｍｅｎｕ，梗係啦，食水食得最深丫麻！！！
鐵板牛柳粒蕃茄湯烏冬
呢個我冇試過，但我朋友食左一半話好難食，我諗我都唔使試啦！
總括黎講：我都唔明點解咁ｑ多人排隊食垃圾，仲要係開飯喇咁多好評，唔通ｄ人真係未食過烏冬？仲係個度寫呢三個好食，收檔啦！！！你呢間咁既野害人不淺，仲開左咁多間分店，真係執左佢積下蔭德啦
食物評分：負二！（黑名單）
是日消費：約８０/位
沒有留言:
張貼留言