銅鑼灣希雲街8號，29150099
今次一早就約左一大班同事去酒樓食飯，個間酒樓就遲下再報導啦。首先要講唔好意思先啦，因為老細又唔放人，攪到我八點先走得，我原本以為連飯都食唔到添丫，因為我自己都唔知要整幾耐．．都唔明ｄ老細嫁，點解我約親人食飯都一定要加班嫁，唔通佢知道我約左人？ 丫，唔講唔知，原來好多人都好怕我丫，一加班一黑面就冇人搵我，原來都幾攪笑啵。個晚一個電話都冇搵我，你地真係了解我丫！！因為你地是但一個打黎，我一定唔會聽嫁，我只係知道，如果我再唔快ｄ做，真係九點都未走得，對你地黑面只不過係唔想你搵我，等我可以快ｄ攪掂左件事，所以我冇惡意嫁！
講左咁多廢話添，今次呢一間係上網睇到食甜品最好食既一間，睇食評睇到既，但我又未試過，咁就一大班白老鼠去試下新野啦。一去到，原來都唔係新野喇，都幾舊了，同埋冇咩裝潢，我以為係快餐店添，仲要一個人都冇，真係幾恐怖嫁。
紅豆豆腐花
諗左好耐，都唔知食咩好。因為我有好多中式糖水都唔係太鐘意食，所以就揀左呢個算數了。
呢隻紅豆唔算好甜，豆腐花都算滑，兩個加埋都可以，賣十幾蚊，都冇得點彈喇。
蕃薯糖水
好怕食蕃薯丫，食左少少姐，都幾淋丫。
芝麻湯圓
呢個真係要彈下了，好大陣燶味，可能炒芝麻個時，整得唔好，食左粒已經知道唔掂了。不過，人地小本經營，十幾蚊就算數啦我。
食物評分：★★★★☆☆☆☆☆☆
是日消費：約$18/位
沒有留言:
張貼留言