尖沙咀科學館道14號新文華中心地下72-73號舖，2301 2738
今日放左工係理工大學度溫習，溫到九點鐘左右，因為未醫肚既關係，就同左位靚女去食野。呢位靚女呢，比我感覺上就只係鐘意食日本野，加上我溫書溫到曚曚地，都冇留意近排有咩地方有好野食，咁就求求其其去呢間日本餐廳，諗住醫下個肚就算喇，當然，我梗係想呢間野好食啦，唔係既話，又比人拆招牌嫁喇。
入到去呢間餐廳，都幾有日本既鋪仔，我一睇個間隔，都估到一半個老闆都應該係日本人了。之後，我叫左幾樣食物，個待應用日文寫，我即刻問佢係唔係日本人丫，識日文咁強，點知，佢答我只係識食物名，咁我知道個厨房的一定係日本人了，幾無聊丫我，哈哈！
滿檯都係貓貓野，唔通呢個老闆好鐘意貓既？
牛肉湯烏冬
烏冬煙煙韌韌，算佢〔買〕得有誠意啦，不過湯就冇咩味，整體合格咋，冇驚喜，冇特別。
燒鯖魚
我都唔明天點解我咁鐘意食呢隻魚，可能因為佢既肉質比較適合做燒掛，燒完有少少鮮甜味，呢度都算幾好，不過稍為燒得熟左ｄｄ，都可以接受既，有誠意之一就係佢去哂骨，不過仲有少少，都唔錯嫁喇！
咖哩豬扒飯
我叫親個ｄ都好普通，但真係要整得好食，真係一件難事，就好似呢個咁，如果要合格，一定冇問題，但如果要好食，呢個飯一定仲差好遠，豬扒熱而不脆，咖哩甜度和濃度都適中，係個豬扒麻麻地，即係個配角好過主角，所以呢個都係一般姐。
明太子雞翼
其實我都唔知咩係明太子，可能係佢既配料掛，呢個比起個牛舌好得多，燒得香脆，又有少少肉汁，唔會好乾身，釀入面既豬肉都幾得意，配合得幾好，唔錯！
鹽燒牛舌
呢個相信真係要ｆａｉｌ了，因為燒到好韌，雖然味道剛好，可以帶出牛既香味，但破壞了牛肉本身的質感，即係冇左主要既肉汁。
食物評分：★★★★★☆☆☆☆☆
是日消費：約120/位(兩位用)
沒有留言:
張貼留言