九龍城賈炳達道128號九龍城廣場201-202號舖，2718 8850
今次去左九龍城食完韓一鍋，見仲係８點幾，咁就去左九龍城廣場行下，再食糖水啦。一行三人行行下，見到間甜之迷，呢個名我聽就聽過幾次喇，食就真係未食過，都唔知好唔好食，但係見到個款好似幾靚咁，咁就入左去喇！
佢門口個度既款就好多，入到去我竟然諗唔到食咩！一來佢ｄ野都幾貴嫁，樣樣都 $35- 40蚊，嘩，使唔使下下都咁貴呢？始終呢度係九龍城！二來，佢地呢度主打應該唔會係糖水，都冇乜糖水類，全部都係法式甜品類，下下都焗乜焗乜咁，如果真係好食，我都會黎食既，但我收料個時唔覺呢度出名法式甜品，所以我都揀左好耐都唔知食咩好。
旋轉樂園有六小杯飲品，包括楊枝金露、火龍石榴露及草莓汁，３杯都好清新，一定係鮮搾果汁，仲有果肉食添，不過，諗深一層，６杯鮮榨果汁要成３８蚊，咁咪即係６蚊一杯？除左個盤識轉之外，真係冇咩特別值成６蚊一杯囉！真係恕我無知丫！
蘆薈涼粉
呢個都可以既，佢用一條條既涼粉，食起上黎高級ｄ丫，加上足夠既蘆薈，清甜可口，消暑一流。
芒果白涼粉
即係白糖糕，唔知點解，我真係好鐘意食白糖糕，可能因為佢少見，真係冇咩地方可以試下嫁！呢個白糖糕加埋椰汁，今次仲唔肥死我？哈哈！總括，呢個都合格，係酸少少姐ｄ芒果，不過咁先似芒果既。
係丫，有一樣好重要既野，呢間店係收加一嫁！我第一次食甜品要收加一，就係呢樣野，我應該唔會再黎！我真係前所未見丫！
食物評分：★★★★★★☆☆☆☆
是日消費：$92 (三個甜品)
呀Lok你好,
回覆刪除我叫Anty, 我係一間叫Asianpalate.com ge 英文網站做編輯助理. 我日常主要以英文寫一系列關於亞洲美食及紅酒搭配及學問(因為公司的創辦人乃全球僅200人的Master of Wine亦為亞洲唯一得此殊榮的韓國藉女性Jeannie Cho Lee)的特寫及文章。我十分欣賞你這個blog的寫作動機，並希望能與你有所合作。想請問你會否同意讓我使用你的相片於我司的網頁上向外國人多介紹亞洲及本港飲食文化。我會以正統方式在圖片旁credit你(及你的網誌)。可以的話，請與我聯絡：ap@asianpalate.com (Anty). 你亦可到我司的網頁多作了解：www.asianpalate.com.
Anty :)
我都有興趣既，但係我d文章好粗魯啵，如果唔嫌棄我粗野既食評，我地會合作愉快的 :)
回覆刪除