九龍城福佬村道3號地下，2718 4368
其實我咁耐都冇打過食評，係有原因嫁，因為我本人要考試，準備考試都用左我成幾個月，基本上都冇一日係得閒，就連食飯都推左好多人，仲要六親不認，攪到我冇哂朋友丫。今日其實都正值我考試其間，不過我實在頂唔順我個飯堂喇，真係要食返Ｄ街外食物去補足一下我長期既失落感丫。
前一日去左ＢＯＯＫ呢間，諗住３個人去，應該食韓國野可以應付到既。因為係我感覺之中，好食既韓國野通常都好大碟，次次兩個人食，都捧住個肚走，所以我都幾怕兩個人食韓國菜嫁，如果真係要食，都會上網睇下會唔會好大碟，太飽就唔會食嫁。今次去到呢間，竟然比我想像中細碟，我諗好食同大細碟真係成正比嫁。因為呢間係我角度都係麻麻地，想知點樣麻麻地，咁就要睇落去喇。
辣牛骨煲
唔知點解，我習慣左次次去親食韓國菜，我都一定會點有關牛骨，牛筋既煲，因為自從我去尖沙咀食過好好味既牛骨煲之後，我就上左癮，覺得韓國既牛骨真係好正。
講返呢一間先，我只係覺得合格以下，其一，湯用錯料！真正既湯並唔係用辣嫁，而係用蘿白，蘿白加牛骨已經可以做到好好，但呢個用辣，蓋過哂所有味，湯，不合格！
其二，牛骨係淋，但未夠火喉，未夠火喉即係指仲要多ｄ時間去煲，咁先可以出到更濃既牛肉味。其三，根本唔使用石鍋上，只係晝蛇添足。所以，呢個應該唔會係韓國人整既。
人參雞湯
人參雞湯既精華係個湯度，隻雞應該正常係冇味既。試呢個時，就係試左個湯先，呢個湯冇乜胡椒味，同埋都唔覺有味精，人參味冇就算啦，我都可以按受。出奇地，隻雞都仲有少少滑，合格既呢個。
炒雜菜
冇乜特別既，呢個係二人餐包埋既，樣野就普普通通，都唔知比咩評語好。
牛肉石頭鍋飯
個呢一間既賣點，石頭鍋飯，都算幾足料，同埋個賣相都幾靚，個鍋夠熱，咁就好多飯焦，我都幾鐘意食嫁，雖然呢個唔算係有特色，但我都幾鐘意食啵，可能係佢ｄ飯焦掛。
食物評分：★★★★☆☆☆☆☆☆
是日消費：約 $ 100/位 (3人用)
沒有留言:
張貼留言